naqsh-e-pa uske rasta us ka

naqsh-e-pā us ke rāsta us kā

muḌ ke dekhā to kuchh na thā us kā

mubtalā kar gayā azāboñ meñ

ek kamzor faisla us kā

iḳhtiyārāt kam na the mere

maiñ ne chāhā nahīñ burā us kā

kaam to aur hī kisī kā thā

naam bad-nām ho gayā us kā

log jis zahr se halāk hue

kitnā mīThā thā zā.iqa us kā

jo mirī haar par bahut ḳhush thā

ab hai ḳhud se muqābla us kā

raah kī zulmatoñ se manzil tak

ik ujālā hai hausla us kā

kaun jaane vo kyuuñ bhaTaktā rahā

us ko to yaad thā patā us kā

us ke qātil baḌī aqīdat se

pūjte haiñ mujassama us kā

toḌ kar mujh se rishta-e-ummīd

kitnā nuqsān ho gayā us kā

ġhalatī ho ga.ī samajhne meñ

chāhtā thā maiñ fā.eda us kā

naqsh-e-pa us ke rasta us ka

muD ke dekha to kuchh na tha us ka

mubtala kar gaya azabon mein

ek kamzor faisla us ka

iKHtiyaraat kam na the mere

main ne chaha nahin bura us ka

kaam to aur hi kisi ka tha

nam bad-nam ho gaya us ka

log jis zahr se halak hue

kitna miTha tha zaiqa us ka

jo meri haar par bahut KHush tha

ab hai KHud se muqabla us ka

rah ki zulmaton se manzil tak

ek ujala hai hausla us ka

kaun jaane wo kyun bhaTakta raha

us ko to yaad tha pata us ka

us ke qatil baDi aqidat se

pujte hain mujassama us ka

toD kar mujh se rishta-e-ummid

kitna nuqsan ho gaya us ka

ghalati ho gai samajhne mein

chahta tha main faeda us ka