naqsh-e-yaqin tera wajud-e-wahm bujha guman bujha

naqsh-e-yaqīñ tirā vajūd-e-vahm bujhā gumāñ bujhā

kār-e-habīb ke tufail rauzan-e-rā.egāñ bujhā

fard-e-siyāh ko mirī nok-e-sināñ pe laa.e the

un kī nigāh paḌ ga.ī arsa-e-imtihāñ bujhā

mast-ravī ke darmiyāñ kaun qadam qadam gine

mish.al-e-dil kahāñ jalī sho.ala-e-jāñ kahāñ bujhā

mere junūñ kā silsila marhala-vār ho gayā

pahle zamīn bujh ga.ī ba.ad meñ āsmāñ bujhā

razm-e-gah-e-hayāt meñ maiñ na utar sakā kabhī

ishq-e-zamāna-ḳhez meñ saarā yahāñ vahāñ bujhā

shauq ke dasht kho ga.e shahr sarāb ho ga.e

bārish-e-zar huī bahut halqa-e-tishnagāñ bujhā

'haqqī'-e-dil-girafta ke bas meñ na jaane kab nahīñ

hijr meñ shād-kām thā vasl ke darmiyāñ bujhā

naqsh-e-yaqin tera wajud-e-wahm bujha guman bujha

kar-e-habib ke tufail rauzan-e-raegan bujha

fard-e-siyah ko meri nok-e-sinan pe lae the

un ki nigah paD gai arsa-e-imtihan bujha

mast-rawi ke darmiyan kaun qadam qadam gine

mishal-e-dil kahan jali shoala-e-jaan kahan bujha

mere junun ka silsila marhala-war ho gaya

pahle zamin bujh gai baad mein aasman bujha

razm-e-gah-e-hayat mein main na utar saka kabhi

ishq-e-zamana-KHez mein sara yahan wahan bujha

shauq ke dasht kho gae shahr sarab ho gae

barish-e-zar hui bahut halqa-e-tishnagan bujha

'haqqi'-e-dil-girafta ke bas mein na jaane kab nahin

hijr mein shad-kaam tha wasl ke darmiyan bujha