naqsh hai har zulm jis ka wadi-e-kashmir par

naqsh hai har zulm jis kā vādī-e-kashmīr par

us ne dahshat-gard likkhā amn kī tasvīr par

kāhilī kī lag ga.ī dīmak har ik tadbīr par

iktifā karke vo shāyad rah gayā taqdīr par

tez rakhnā dhaar apne hausle kī har ghaḌī

munhasir hai zindagī kī jañg is shamshīr par

rakh tavāzun kuchh to vaa.iz tū bhī qaul-o-fe.al meñ

log girvīda nahīñ hote faqat taqrīr par

tiin sau terah ke jaise shart haiñ ausāf bhī

fat.h nā-mumkin hai ḳhālī nāra-e-takbīr par

kaise dastak de bhalā koī ḳhushī dar par mire

jab ġhamoñ kā saañp aa kar chaḌh gayā zanjīr par

khil uThā har ek 'dānish' ġhuncha-e-ahl-e-suḳhan

ḳhūn-e-dil chhiḌkā jo ham ne gulshan-e-tahrīr par

naqsh hai har zulm jis ka wadi-e-kashmir par

us ne dahshat-gard likkha amn ki taswir par

kahili ki lag gai dimak har ek tadbir par

iktifa karke wo shayad rah gaya taqdir par

tez rakhna dhaar apne hausle ki har ghaDi

munhasir hai zindagi ki jang is shamshir par

rakh tawazun kuchh to waiz tu bhi qaul-o-feal mein

log girwida nahin hote faqat taqrir par

tin sau terah ke jaise shart hain ausaf bhi

fath na-mumkin hai KHali nara-e-takbir par

kaise dastak de bhala koi KHushi dar par mere

jab ghamon ka sanp aa kar chaDh gaya zanjir par

khil uTha har ek 'danish' ghuncha-e-ahl-e-suKHan

KHun-e-dil chhiDka jo hum ne gulshan-e-tahrir par