naqsh tha aur nam tha hi nahin

naqsh thā aur naam thā hī nahīñ

ya.anī maiñ itnā aam thā hī nahīñ

ḳhvāb se kaam thā vahāñ ki jahāñ

ḳhvāb kā koī kaam thā hī nahīñ

sab ḳhabar karne vāloñ par afsos

ye ḳhabar kā maqām thā hī nahīñ

tah-ba-tah intiqām thā sar-e-ḳhāk

inhidām inhidām thā hī nahīñ

ham ne tauhīn kī qayām kiyā

is safar meñ qayām thā hī nahīñ

ab to hai par hamāre vaqtoñ meñ

shīsha-e-sub.h-o-shām thā hī nahīñ

vo to ham ne kahā ki tum bhī ho

varna koī nizām thā hī nahīñ

naqsh tha aur nam tha hi nahin

yani main itna aam tha hi nahin

KHwab se kaam tha wahan ki jahan

KHwab ka koi kaam tha hi nahin

sab KHabar karne walon par afsos

ye KHabar ka maqam tha hi nahin

tah-ba-tah intiqam tha sar-e-KHak

inhidam inhidam tha hi nahin

hum ne tauhin ki qayam kiya

is safar mein qayam tha hi nahin

ab to hai par hamare waqton mein

shisha-e-subh-o-sham tha hi nahin

wo to hum ne kaha ki tum bhi ho

warna koi nizam tha hi nahin