nargisin aankh bhi hai abru-e-KHamdar ke pas

nargisīñ aañkh bhī hai abru-e-ḳhamdār ke paas

dūsrī aur bhī talvār hai talvār ke paas

dushmanoñ kā mirī qismat se hai qaabū mujh par

yaar ke paas hai dil yaar hai aġhyār ke paas

yaad rakhnā jo huī va.ada-ḳhilāfī un kī

bistara aan jamegā tirī dīvār ke paas

qaidī-e-zulf kī qismat meñ hai ruḳhsār kī sair

shukr hai baaġh bhī hai murġh-e-giraftār ke paas

chehra bhī barq bhī dil lene meñ gesū bhī balā

ek sā mo.ajaza hai kāfir o dīñ-dār ke paas

ġhair be-jurm haiñ aur maiñ huuñ vafā kā mujrim

kaun aatā bhalā mujh se gunahgār ke paas

qabr meñ so.eñge ārām se ab ba.ad-e-fanā

aa.egā ḳhvāb-e-adam dīda-e-bedār ke paas

us kī kyā vaj.h mire hote vahāñ kyuuñ na raheñ

kyuuñ rahe zulf-e-siyah aap ke ruḳhsār ke paas

hoshiyārī se ho 'parvīñ' chaman-e-husn kī sair

daam aur daana haiñ donoñ ruḳh-e-dil-dār ke paas

nargisin aankh bhi hai abru-e-KHamdar ke pas

dusri aur bhi talwar hai talwar ke pas

dushmanon ka meri qismat se hai qabu mujh par

yar ke pas hai dil yar hai aghyar ke pas

yaad rakhna jo hui wada-KHilafi un ki

bistara aan jamega teri diwar ke pas

qaidi-e-zulf ki qismat mein hai ruKHsar ki sair

shukr hai bagh bhi hai murgh-e-giraftar ke pas

chehra bhi barq bhi dil lene mein gesu bhi bala

ek sa moajaza hai kafir o din-dar ke pas

ghair be-jurm hain aur main hun wafa ka mujrim

kaun aata bhala mujh se gunahgar ke pas

qabr mein soenge aaram se ab baad-e-fana

aaega KHwab-e-adam dida-e-bedar ke pas

us ki kya wajh mere hote wahan kyun na rahen

kyun rahe zulf-e-siyah aap ke ruKHsar ke pas

hoshiyari se ho 'parwin' chaman-e-husn ki sair

dam aur dana hain donon ruKH-e-dil-dar ke pas