narmi-e-baalish-e-par hum ko nahin bhati hai

narmī-e-bālish-e-par ham ko nahīñ bhātī hai

dam-e-shamshīr pe sar rakkheñ to niiñd aatī hai

kyā burī ḳhū hai mirī bhī ki ba-īñ da.ava-e-aql

maiñ bhī jaatā huuñ vahāñ jaan jahāñ jaatī hai

nā-qubūl itnā huuñ murde ko mire ba.ad-az-marg

gor meñ rakkheñ to miTTī bhī nahīñ khātī hai

husn dekhā hai magar hind kī tasvīreñ kā

lailā bāzār meñ shakl apnī jo badlātī hai

na bachegā koī hargiz jo hai ruḳh kī ye safā

na jiyegā koī mutlaq jo ye ḳhush gaatī hai

ḳhair-sallā se nasīm-e-saharī ghar jaave

kar ke zikr-e-ruḳh-e-gul kyuuñ mujhe piTvātī hai

sitam-bād-e-ḳhizāñ se jo koī gul kī kalī

shāḳh par ḳhushk ho rah jaatī hai murjhātī hai

be-kasī apnī kā aalam mujhe aa jaa.e hai yaad

ki garebāñ meñ mirā sar yūñhī jhukvātī hai

'mus.hafī' kī koī ummīd to bar lā yā-rab!

muddatoñ se ye tire dar kā munājātī hai

narmi-e-baalish-e-par hum ko nahin bhati hai

dam-e-shamshir pe sar rakkhen to nind aati hai

kya buri KHu hai meri bhi ki ba-in dawa-e-aql

main bhi jata hun wahan jaan jahan jati hai

na-qubul itna hun murde ko mere baad-az-marg

gor mein rakkhen to miTTi bhi nahin khati hai

husn dekha hai magar hind ki taswiren ka

laila bazar mein shakl apni jo badlati hai

na bachega koi hargiz jo hai ruKH ki ye safa

na jiyega koi mutlaq jo ye KHush gati hai

KHair-salla se nasim-e-sahari ghar jawe

kar ke zikr-e-ruKH-e-gul kyun mujhe piTwati hai

sitam-baad-e-KHizan se jo koi gul ki kali

shaKH par KHushk ho rah jati hai murjhati hai

be-kasi apni ka aalam mujhe aa jae hai yaad

ki gareban mein mera sar yunhi jhukwati hai

'mushafi' ki koi ummid to bar la ya-rab!

muddaton se ye tere dar ka munajati hai