نشہ دولت کا کچھ ایسا چڑھا ہے

نشہ دولت کا کچھ ایسا چڑھا ہے

زمیں پر وہ اکڑ کر چل رہا ہے

بھلائی کا نہیں کچھ بھی صلہ کیا

بھلائی کرنے والا سوچتا ہے

مگر ہمت بھی ہے ہم راہ میرے

سفر تو واقعی کانٹوں بھرا ہے

حد منزل میں اب میرے قدم ہیں

بہت کم فاصلہ اب رہ گیا ہے

زمانے کی شکایت کر رہے ہو

بتاؤ تم نے اس کو کیا دیا ہے

کہاں میں اور کہاں فن شاعری کا

یقیناً یہ مرے رب کی عطا ہے

ملا یاسینؔ سے جو اپنا بن کر

بھروسہ اس نے اس پر کر لیا ہے