nasha daulat ka kuchh aisa chaDha hai

nasha daulat kā kuchh aisā chaḌhā hai

zamīñ par vo akaḌ kar chal rahā hai

bhalā.ī kā nahīñ kuchh bhī sila kyā

bhalā.ī karne vaalā sochtā hai

magar himmat bhī hai hamrāh mere

safar to vāqa'ī kāñToñ-bharā hai

had-e-manzil meñ ab mere qadam haiñ

bahut kam fāsla ab rah gayā hai

zamāne kī shikāyat kar rahe ho

batāo tum ne is ko kyā diyā hai

kahāñ maiñ aur kahāñ fan shā'irī kā

yaqīnan ye mire rab kī 'atā hai

milā 'yāsīn' se jo apnā ban kar

bharosa is ne us par kar liyā hai

nasha daulat ka kuchh aisa chaDha hai

zamin par wo akaD kar chal raha hai

bhalai ka nahin kuchh bhi sila kya

bhalai karne wala sochta hai

magar himmat bhi hai hamrah mere

safar to waqa'i kanTon-bhara hai

had-e-manzil mein ab mere qadam hain

bahut kam fasla ab rah gaya hai

zamane ki shikayat kar rahe ho

batao tum ne is ko kya diya hai

kahan main aur kahan fan sha'iri ka

yaqinan ye mere rab ki 'ata hai

mila 'yasin' se jo apna ban kar

bharosa is ne us par kar liya hai