nasha nashe ke liye hai azab mein shamil
nasha nashe ke liye hai azaab meñ shāmil
kisī kī yaad ko kiije sharāb meñ shāmil
har ik talāsh yahāñ fāsloñ se raushan hai
haqīqateñ kahāñ hotī haiñ ḳhvāb meñ shāmil
vo tum nahīñ ho to phir kaun thā vo tum jaisā
kisī kā zikr to thā har kitāb meñ shāmil
hameñ bhī shauq hai apnī taraf se jiine kā
hamārā naam bhī kiije itaab meñ shāmil
akele kamre meñ gul-dān bolte kab haiñ
tumhāre hoñT haiñ shāyad gulāb meñ shāmil
zamīn roz kahāñ mo.ajiza dikhātī hai
mirī nigāh bhī hogī naqāb meñ shāmil
usī kā naam hai naġhma usī kā naam ġhazal
vo ik sukūn jo hai iztirāb meñ shāmil
nasha nashe ke liye hai azab mein shamil
kisi ki yaad ko kije sharab mein shamil
har ek talash yahan faslon se raushan hai
haqiqaten kahan hoti hain KHwab mein shamil
wo tum nahin ho to phir kaun tha wo tum jaisa
kisi ka zikr to tha har kitab mein shamil
hamein bhi shauq hai apni taraf se jine ka
hamara nam bhi kije itab mein shamil
akele kamre mein gul-dan bolte kab hain
tumhaare honT hain shayad gulab mein shamil
zamin roz kahan moajiza dikhati hai
meri nigah bhi hogi naqab mein shamil
usi ka nam hai naghma usi ka nam ghazal
wo ek sukun jo hai iztirab mein shamil
- Book : Sheher Men Gaon (Pg. 306)
- Author : Shahid Mahili
- Publication : Miaar Publications (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.