nashat-e-gham ke tain ek KHat-e-mumas hun aaj

nashāt-e-ġham ke ta.iiñ ik ḳhat-e-mumās huuñ aaj

nasīb-e-dushmanāñ zinda huuñ be-hirās huuñ aaj

judā.ī dard mohabbat thī rasm ḳhatm huī

na vo udaas huā kal na maiñ udaas huuñ aaj

ġharīb dil bhī ajab ġham-navāz hotā hai

ḳhushī milī hai to kis darja bad-havās huuñ aaj

maiñ dar-ba-dar huuñ ki maarā huā zamīr kā huuñ

maiñ aa.ina thā magar kitnā be-libās huuñ aaj

asīr-e-dām-e-shunīdan hai fāsla hamdam

ki tū kahīñ bhī rahe tere ās-pās huuñ aaj

ragoñ meñ ab bhī qabīle kā ḳhuun sarkash hai

magar vo vasf kahāñ sirf iltibās huuñ aaj

nashat-e-gham ke tain ek KHat-e-mumas hun aaj

nasib-e-dushmanan zinda hun be-hiras hun aaj

judai dard mohabbat thi rasm KHatm hui

na wo udas hua kal na main udas hun aaj

gharib dil bhi ajab gham-nawaz hota hai

KHushi mili hai to kis darja bad-hawas hun aaj

main dar-ba-dar hun ki mara hua zamir ka hun

main aaina tha magar kitna be-libas hun aaj

asir-e-dam-e-shunidan hai fasla hamdam

ki tu kahin bhi rahe tere aas-pas hun aaj

ragon mein ab bhi qabile ka KHun sarkash hai

magar wo wasf kahan sirf iltibas hun aaj