نشاط وصل کے ہنگامے کب نہیں رکھتا

نشاط وصل کے ہنگامے کب نہیں رکھتا

میں کوئی شے بھی یہاں بے طلب نہیں رکھتا

مجھے پتہ ہیں تری برہمی کے سارے سبب

مجھے خبر ہے تو کچھ بے سبب نہیں رکھتا

ہمارا یار ہے حساس اس معاملے میں

ادب کے ساتھ کوئی بے ادب نہیں رکھتا

ہمیشہ حسن کو دیکھا گیا ہے داد طلب

مگر وہ حسن تو کوئی طلب نہیں رکھتا

فصیل دل کی منڈیروں پہ وہ چراغ مرے

جب اس کی چاہ نہیں ہوتی تب نہیں رکھتا

جنوں نژاد ہے تمثال آئنہ میرا

سو اپنے آپ میں کیا کیا غضب نہیں رکھتا

اسے خبر ہے کہ رکھنا ہے کیا نہیں رکھنا

سو جو بھی ہاتھ لگے سب کا سب نہیں رکھتا