nashe ki lahr tari ho rahi hai

nashe kī lahr taarī ho rahī hai

mirī āvāz bhārī ho rahī hai

raqīboñ par 'ināyat barsar-e-bazm

bahut ḳhātir hamārī ho rahī hai

sabhī mere maraz ko koste haiñ

ye kyā tīmār-dārī ho rahī hai

chaman kā rāsta mat gher ke baiTh

ḳhafā bād-e-bahārī ho rahī hai

sab apne apne ghar meñ mutma.in haiñ

mujhe kyoñ be-qarārī ho rahī hai

galī ke ek ghar meñ 'iid ke roz

ye kaisī āh-o-zārī ho rahī hai

sunā hai us galī se 'āshiqoñ kī

na.ī fehrist jaarī ho rahī hai

jo aa.e pūchhtā hai 'umr merī

'ajab tīmārdārī ho rahī hai

mire pahlū meñ vo hai aur mujh par

'ajab vahshat sī taarī ho rahī hai

nashe ki lahr tari ho rahi hai

meri aawaz bhaari ho rahi hai

raqibon par 'inayat barsar-e-bazm

bahut KHatir hamari ho rahi hai

sabhi mere maraz ko koste hain

ye kya timar-dari ho rahi hai

chaman ka rasta mat gher ke baiTh

KHafa baad-e-bahaari ho rahi hai

sab apne apne ghar mein mutmain hain

mujhe kyon be-qarari ho rahi hai

gali ke ek ghar mein 'id ke roz

ye kaisi aah-o-zari ho rahi hai

suna hai us gali se 'ashiqon ki

nai fehrist jari ho rahi hai

jo aae puchhta hai 'umr meri

'ajab timardari ho rahi hai

mere pahlu mein wo hai aur mujh par

'ajab wahshat si tari ho rahi hai