nashtar se aarzu ke dil-e-zindagi figar

nashtar se aarzū ke dil-e-zindagī figār

ḳhud zindagī vajūd ke siine meñ nok-e-ḳhār

ai husn-e-yār terī tajallī ko kyā huā

ye be-qarār dil mirā ab tak hai be-qarār

jalvoñ ne tere hasrat-e-nazzāra ko mirī

dekhā kiyā hai nāz-e-taġhāful se baar baar

dil par nigāh-e-shauq mizāj-e-jamāl par

hālāt-o-vārdāt pe kis ko hai iḳhtiyār

mujh par huī navāzish-e-pinhāñ kabhī kabhī

mahrūm sā.atoñ kī tamannā hai sogvār

allāh tere husn-e-farozāñ kī pardagī

ik lau sī thartharā.ī pas-e-chashm-e-ashk-bār

kī rahbarī ḳhayāl-e-lab-e-yār tak mirī

ai tishnagī-e-shauq mirī zindagī nisār

nashtar se aarzu ke dil-e-zindagi figar

KHud zindagi wajud ke sine mein nok-e-KHar

ai husn-e-yar teri tajalli ko kya hua

ye be-qarar dil mera ab tak hai be-qarar

jalwon ne tere hasrat-e-nazzara ko meri

dekha kiya hai naz-e-taghaful se bar bar

dil par nigah-e-shauq mizaj-e-jamal par

haalat-o-wardat pe kis ko hai iKHtiyar

mujh par hui nawazish-e-pinhan kabhi kabhi

mahrum saaton ki tamanna hai sogwar

allah tere husn-e-farozan ki pardagi

ek lau si thartharai pas-e-chashm-e-ashk-bar

ki rahbari KHayal-e-lab-e-yar tak meri

ai tishnagi-e-shauq meri zindagi nisar