nau-ba-nau ye jalwa-zai ye jamal-e-rang-rang

nau-ba-nau ye jalva-zā.ī ye jamāl-e-rañg-rañg

mohlat-e-dil ek lahza dāman-e-nazzāra tañg

hai kahāñ vo aag jo raushan rakhe dil kā alaav

barq-jaulāñ mahz chashmak sho.ala-e-gul mahz rañg

ai junūñ tīr-e-malāmat kā koī 'unvāñ nikāl

kaisā chipkā hai badan par firqa-e-nāmūs-o-nañg

ab ye us kā azm tai kar le jo rāh-e-ārzū

har-qadam dām-e-tahayyur har-qadam dīvār-e-sañg

aaj dekhā sab ne qātil kī tahī-dastī kā haal

sail-e-ḳhūn-e-āshiqāñ meñ bah ga.e shamshīr-o-sañg

nau-ba-nau ye jalwa-zai ye jamal-e-rang-rang

mohlat-e-dil ek lahza daman-e-nazzara tang

hai kahan wo aag jo raushan rakhe dil ka alaw

barq-jaulan mahz chashmak shoala-e-gul mahz rang

ai junun tir-e-malamat ka koi 'unwan nikal

kaisa chipka hai badan par firqa-e-namus-o-nang

ab ye us ka azm tai kar le jo rah-e-arzu

har-qadam dam-e-tahayyur har-qadam diwar-e-sang

aaj dekha sab ne qatil ki tahi-dasti ka haal

sail-e-KHun-e-ashiqan mein bah gae shamshir-o-sang