naujawani mein ajab dil ki lagi hoti hai

naujavānī meñ ajab dil kī lagī hotī hai

ġham ke sahne meñ bhī insāñ ko ḳhushī hotī hai

pyaar jab pyaar kī manzil pe pahuñch jaatā hai

hañste chehroñ ke bhī āñkhoñ meñ namī hotī hai

paas rahte haiñ to dil mahv-e-tarab rahtā hai

duur hote haiñ to mahsūs kamī hotī hai

jab bhī hotā hai gumāñ un se kahīñ milne kā

dil ke armānoñ meñ ik dhuum machī hotī hai

nāma-bar se na kahūñ baat to phir fā.eda kyā

aur kah duuñ to tirī parda-darī hotī hai

jab bhī to mere tasavvur meñ makīñ hotā hai

dil kī duniyā tire jalvoñ se sajī hotī hai

kaj-adā.ī ho sitam ho ki hoñ altāf-o-karam

apne mahbūb kī har chiiz bhalī hotī hai

kyā batā.ūñ maiñ tire jism kī rañgīnī ko

jaise sāġhar meñ mai-e-nāb Dhalī hotī hai

un ke aane se sukūñ aane lagā hai 'afzal'

aaj kuchh dard meñ mahsūs kamī hotī hai

naujawani mein ajab dil ki lagi hoti hai

gham ke sahne mein bhi insan ko KHushi hoti hai

pyar jab pyar ki manzil pe pahunch jata hai

hanste chehron ke bhi aankhon mein nami hoti hai

pas rahte hain to dil mahw-e-tarab rahta hai

dur hote hain to mahsus kami hoti hai

jab bhi hota hai guman un se kahin milne ka

dil ke armanon mein ek dhum machi hoti hai

nama-bar se na kahun baat to phir faeda kya

aur kah dun to teri parda-dari hoti hai

jab bhi to mere tasawwur mein makin hota hai

dil ki duniya tere jalwon se saji hoti hai

kaj-adai ho sitam ho ki hon altaf-o-karam

apne mahbub ki har chiz bhali hoti hai

kya bataun main tere jism ki rangini ko

jaise saghar mein mai-e-nab Dhali hoti hai

un ke aane se sukun aane laga hai 'afzal'

aaj kuchh dard mein mahsus kami hoti hai