nayan mein KHun bhar aaya dil mein Khaar-e-gham chhupa shayad

nayan meñ ḳhuuñ bhar aayā dil meñ ḳhār-e-ġham chhupā shāyad

huā is dam vo teġh-abrū kisī se āshnā shāyad

gale lagtā thā har gard-e-havā-āvurd se majnūñ

ki ḳhāk-e-kūcha-e-lailā le aa.ī ho sabā shāyad

qayāmat pā-namak hai ġhul divānoñ kā gulistāñ meñ

unhoñ ke zaḳhm-e-dil par shor-e-bulbul jā girā shāyad

hamāre haath ik mū ga.ī na.iiñ aur pech khātī hai

vo dām-e-zulf meñ taaza shikār-e-dil phañsā shāyad

bahut muñh par vo zulfeñ aaj bikhrātā hai ai 'uzlat'

vo gāloñ par kisī kā zaḳhm-e-dandāñ hai lagā shāyad

nayan mein KHun bhar aaya dil mein KHar-e-gham chhupa shayad

hua is dam wo tegh-abru kisi se aashna shayad

gale lagta tha har gard-e-hawa-awurd se majnun

ki KHak-e-kucha-e-laila le aai ho saba shayad

qayamat pa-namak hai ghul diwanon ka gulistan mein

unhon ke zaKHm-e-dil par shor-e-bulbul ja gira shayad

hamare hath ek mu gai nain aur pech khati hai

wo dam-e-zulf mein taza shikar-e-dil phansa shayad

bahut munh par wo zulfen aaj bikhraata hai ai 'uzlat'

wo galon par kisi ka zaKHm-e-dandan hai laga shayad