naza ka aalam hai chaara-saz ghabrane lage

naza.a kā aalam hai chāra-sāz ghabrāne lage

ab tire bīmār-e-ġham ko ġhash pe ġhash aane lage

kyā zamīñ ab āsmāñ vaale bhī tharrāne lage

mere naale aaj shāyad arsh tak jaane lage

ālam-e-vahshat meñ kaam aa hī ga.ī dīvāngī

sun ke hāl-e-zār un ke bhī payām aane lage

ek din vo thā ki un ko dil se samjhātā thā maiñ

ek din ye hai ki ab vo mujh ko samjhāne lage

naaz se añgḌā.iyāñ lene lage vo dekh kar

vo mire ehsās ke sho.aloñ ko bhaḌkāne lage

jab uThā 'jauhar' jahāñ se koī nākām-e-hayāt

phuul se chehre hasīnoñ ke bhī murjhāne lage

naza ka aalam hai chaara-saz ghabrane lage

ab tere bimar-e-gham ko ghash pe ghash aane lage

kya zamin ab aasman wale bhi tharrane lage

mere nale aaj shayad arsh tak jaane lage

aalam-e-wahshat mein kaam aa hi gai diwangi

sun ke haal-e-zar un ke bhi payam aane lage

ek din wo tha ki un ko dil se samjhata tha main

ek din ye hai ki ab wo mujh ko samjhane lage

naz se angDaiyan lene lage wo dekh kar

wo mere ehsas ke shoalon ko bhaDkane lage

jab uTha 'jauhar' jahan se koi nakaam-e-hayat

phul se chehre hasinon ke bhi murjhane lage