nazargi-e-shauq ne didar mein khincha
nazzārgi-e-shauq ne dīdār meñ khīñchā
phir maiñ ne use apne havas-zār meñ khīñchā
khultī nazar aatī hai qabā-e-gul-e-maqsad
ehsās-e-talab ne jo use ḳhaar meñ khīñchā
hai dīdanī gul-kāri-e-ehsās-o-taḳhayyul
kyā āriz-e-gul ko lab-e-iz.hār meñ khīñchā
tasvīr sī ik ban ga.ī kyā jāniye kis kī
qatroñ ne nam apnā mirī dīvār meñ khīñchā
tā-hadd-e-nazar khultī ga.ī zulf-e-do-ālam
ehsās ye kis kā dil-e-bedār meñ khīñchā
nazzargi-e-shauq ne didar mein khincha
phir main ne use apne hawas-zar mein khincha
khulti nazar aati hai qaba-e-gul-e-maqsad
ehsas-e-talab ne jo use KHar mein khincha
hai didani gul-kari-e-ehsas-o-taKHayyul
kya aariz-e-gul ko lab-e-izhaar mein khincha
taswir si ek ban gai kya jaaniye kis ki
qatron ne nam apna meri diwar mein khincha
ta-hadd-e-nazar khulti gai zulf-e-do-alam
ehsas ye kis ka dil-e-bedar mein khincha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
