nazar aa rahe hain jo tanha se hum

nazar aa rahe haiñ jo tanhā se ham

so yuuñ hai ki bhar paa.e duniyā se ham

na parvā hameñ hāl-e-behāl kī

na sharminda umr-e-guzishta se ham

bhalā koī kartā hai murdoñ se baat

kaheñ kyā dil-e-be-tamannā se ham

nazar meñ hai jab se sarāpā tirā

jabhī se haiñ kuchh be-sar-o-pā se ham

koī jal-parī kyā parī bhī na aa.ī

magar ḳhush hue raat dariyā se ham

tamāshā.ī shash-jihat haiñ so haiñ

ḳhud apne liye bhī tamāshā se ham

samajhnā thā duniyā ko yuuñ bhī muhāl

samajhte the duniyā ko duniyā se ham

nazar aa rahe hain jo tanha se hum

so yun hai ki bhar pae duniya se hum

na parwa hamein haal-e-behaal ki

na sharminda umr-e-guzishta se hum

bhala koi karta hai murdon se baat

kahen kya dil-e-be-tamanna se hum

nazar mein hai jab se sarapa tera

jabhi se hain kuchh be-sar-o-pa se hum

koi jal-pari kya pari bhi na aai

magar KHush hue raat dariya se hum

tamashai shash-jihat hain so hain

KHud apne liye bhi tamasha se hum

samajhna tha duniya ko yun bhi muhaal

samajhte the duniya ko duniya se hum