nazar aaya na koi bhi idhar dekha udhar dekha

nazar aayā na koī bhī idhar dekhā udhar dekhā

vahāñ pahuñche to apne aap ko bhī be-nazar dekhā

ye dhokā thā nazar kā yā farishta sabz chādar meñ

kahīñ sahrā meñ lahrātā huā us ne shajar dekhā

kahīñ pe jism aur pahchān donoñ raah meñ chhoḌe

ḳhud apne aap ko ham ne na apnā ham-safar dekhā

bane kyā āshiyāñ taaza havā na peḌ ke jhurmuT

kisī uḌte parinde ne na.e yug kā nagar dekhā

lage the aa.ine chāroñ taraf shāyad mohabbat ke

nazar ke sāmne thā bas vahī ham ne jidhar dekhā

zamīñ kī sej par saa.e kī chādar oḌh kar soyā

kisī banjāre sailānī ne raste meñ hī ghar dekhā

kabhī ham Duub jā.eñge isī meñ sochte har dam

hamāre dil ne jab dekhā habāboñ kā bhañvar dekhā

nazar aaya na koi bhi idhar dekha udhar dekha

wahan pahunche to apne aap ko bhi be-nazar dekha

ye dhoka tha nazar ka ya farishta sabz chadar mein

kahin sahra mein lahraata hua us ne shajar dekha

kahin pe jism aur pahchan donon rah mein chhoDe

KHud apne aap ko hum ne na apna ham-safar dekha

bane kya aashiyan taza hawa na peD ke jhurmuT

kisi uDte parinde ne nae yug ka nagar dekha

lage the aaine chaaron taraf shayad mohabbat ke

nazar ke samne tha bas wahi hum ne jidhar dekha

zamin ki sej par sae ki chadar oDh kar soya

kisi banjare sailani ne raste mein hi ghar dekha

kabhi hum Dub jaenge isi mein sochte har dam

hamare dil ne jab dekha hababon ka bhanwar dekha