nazar hamari sar-e-koh-e-tur aa jae

nazar hamārī sar-e-koh-e-tūr aa jaa.e

dayār-e-dil meñ zarā us kā nuur aa jaa.e

vo itnī duur hai mujh se ki sochtā huuñ maiñ

badan meñ kaash adā-e-tuyūr aa jaa.e

sabab hai ḳhuub kahīñ duur us ke rahne kā

nazar ko diid kā pahle shu'ūr aa jaa.e

hujūm-e-dahr meñ chehra dikhā.ī de us kā

bayān koī to bainassutūr aa jaa.e

har ek dil ko musalsal TaTolte rahiye

na jaane kaun se dil meñ futūr aa jaa.e

phir is se duur bahut duur ho rahegā ḳhudā

na had ke paar dil-e-nā-subūr aa jaa.e

churā.e fikr na āñkheñ ye 'badr' us se kaho

tumhāre fan kā huā hai zuhūr aa jaa.e

nazar hamari sar-e-koh-e-tur aa jae

dayar-e-dil mein zara us ka nur aa jae

wo itni dur hai mujh se ki sochta hun main

badan mein kash ada-e-tuyur aa jae

sabab hai KHub kahin dur us ke rahne ka

nazar ko did ka pahle shu'ur aa jae

hujum-e-dahr mein chehra dikhai de us ka

bayan koi to bainassutur aa jae

har ek dil ko musalsal TaTolte rahiye

na jaane kaun se dil mein futur aa jae

phir is se dur bahut dur ho rahega KHuda

na had ke par dil-e-na-subur aa jae

churae fikr na aankhen ye 'badr' us se kaho

tumhaare fan ka hua hai zuhur aa jae