nazar jhuka ke nazar se gira gae mujhko

nazar jhukā ke nazar se girā ga.e mujh ko

maiñ aa.ina thā haqīqat dikhā ga.e mujh ko

maiñ be-gunāhī kā apnī subūt kyā detā

vo saarī ġhalatiyāñ merī ginā ga.e mujh ko

bichhaḌte vaqt añgūThī ko de ga.e vāpas

vo jaate jaate bhī kitnā rulā ga.e mujh ko

sitam kiye hai mire saath is qadar 'āqib'

maiñ mom thā vo to patthar banā ga.e mujh ko

nazar jhuka ke nazar se gira gae mujh ko

main aaina tha haqiqat dikha gae mujh ko

main be-gunahi ka apni subut kya deta

wo sari ghalatiyan meri gina gae mujh ko

bichhaDte waqt anguThi ko de gae wapas

wo jate jate bhi kitna rula gae mujh ko

sitam kiye hai mere sath is qadar 'aqib'

main mom tha wo to patthar bana gae mujh ko