نظر جھکاؤ اور اپنی خطا تلاش کرو

نظر جھکاؤ اور اپنی خطا تلاش کرو

پھر اس کے بعد کوئی پارسا تلاش کرو

بدن کے زخم کا اب اندمال ممکن ہے

جو زخم روح کو بھر دے دوا تلاش کرو

طلاق دی گئی جس کو یہ ایسی دنیا ہے

یہ بے وفا ہے نہ اس میں وفا تلاش کرو

ادائے شکر ہے لازم خدا ملے تو سہی

خدا کا واسطہ بندو خدا تلاش کرو

تڑپ ہو ایسی کہ ہفت آسمان کھل جائیں

جو سیدھی عرش پہ پہنچے دعا تلاش کرو

ہر ایک سمت ہے چیخ و پکار آہ و بکا

سکوں کے ساز میں لپٹی نوا تلاش کرو

ہمارے سر پہ مسلط ہیں کیوں بھلا ظالم

سب اپنے آپ میں پہلے خطا تلاش کرو