nazar ka ye eajaz hum dekhte hain

nazar kā ye e.ajāz ham dekhte haiñ

har ik samt vo hī sanam dekhte haiñ

idhar aate un ke qadam dekhte haiñ

sitam hai ki hai ye karam dekhte haiñ

judā dekhte haiñ zamīñ āsmāñ se

ḳhudā kā judā ye karam dekhte haiñ

na duniyā rahegī na ham tum hī hoñge

abas ek duuje ko ham dekhte haiñ

adāvat kī buniyād hī rashk par hai

adū ḳhvāb meñ ḳhud ko ham dekhte haiñ

bahut milne se aib dikhte haiñ kam-kam

bahut dekhte haiñ jo kam dekhte haiñ

kisī ne na dekhā jo zāhir thā sab par

jahāñ meñ sab apne bharam dekhte haiñ

burā lag gayā hai mirā sach hī itnā

tire jhuuT ko log kam dekhte haiñ

nahīñ Tas se mas hote dekhoge ham ko

raqībo tumhārā bhī dam dekhte haiñ

nazar ka ye eajaz hum dekhte hain

har ek samt wo hi sanam dekhte hain

idhar aate un ke qadam dekhte hain

sitam hai ki hai ye karam dekhte hain

juda dekhte hain zamin aasman se

KHuda ka juda ye karam dekhte hain

na duniya rahegi na hum tum hi honge

abas ek duje ko hum dekhte hain

adawat ki buniyaad hi rashk par hai

adu KHwab mein KHud ko hum dekhte hain

bahut milne se aib dikhte hain kam-kam

bahut dekhte hain jo kam dekhte hain

kisi ne na dekha jo zahir tha sab par

jahan mein sab apne bharam dekhte hain

bura lag gaya hai mera sach hi itna

tere jhuT ko log kam dekhte hain

nahin Tas se mas hote dekhoge hum ko

raqibo tumhaara bhi dam dekhte hain