nazar kar tez hai taqdir miTTi ki ki patthar ki

nazar kar tez hai taqdīr miTTī kī ki patthar kī

butoñ ko dekh haiñ tasvīr miTTī kī ki patthar kī

kiyā tū ne butoñ ko sajda aadam ko farishtoñ ne

barahman hai sivā tauqīr miTTī kī ki patthar kī

maiñ putlā saḳht-jānī kā huuñ yā gard-e-kudūrat kā

nahīñ ma.alūm huuñ tasvīr miTTī kī ki patthar kī

ġhamoñ par ḳhaak Dāloñ maiñ ki rokūñ josh-e-vahshat ko

taraddud hai karūñ tadbīr miTTī kī ki patthar kī

nazar kar tez hai taqdir miTTi ki ki patthar ki

buton ko dekh hain taswir miTTi ki ki patthar ki

kiya tu ne buton ko sajda aadam ko farishton ne

barahman hai siwa tauqir miTTi ki ki patthar ki

main putla saKHt-jaani ka hun ya gard-e-kudurat ka

nahin malum hun taswir miTTi ki ki patthar ki

ghamon par KHak Dalon main ki rokun josh-e-wahshat ko

taraddud hai karun tadbir miTTi ki ki patthar ki