nazar ki kya kahen ab to jigar bhi ho gae patthar

nazar kī kyā kaheñ ab to jigar bhī ho ga.e patthar

kahāñ bū-e-vafā khoī ki ghar bhī ho ga.e patthar

ḳhudā tab bebasī meñ shab sahar royā yaqīnan hai

guloñ se khilkhilāte jab shajar bhī ho ga.e patthar

baḌī ummīd le kar maiñ chalī aa.ī suno pyāre

magar thī kyā ḳhabar dīvār-o-dar bhī ho ga.e patthar

mulamma.a vaqt kā chaḌhtā gayā kyuuñ is qadar bolo

ki patthar ko hañsā kar bā-hunar bhī ho ga.e patthar

bharā hai zahr dil meñ kis ne tere bol de itnā

asar aisā mohabbat ke nagar bhī ho ga.e patthar

havā jhoñkā nahīñ laa.ī kabhī kyā merī yādoñ kā

kahāñ hai dafn rauzan ishq tar bhī ho ga.e patthar

nadī kā saath dene kī taḌap paalī samundar ne

nibhānā khel samjhā to mukhar bhī ho ga.e patthar

yaqīñ karnā huā mushkil qasam TuuTe sitāre kī

vahī tum bin yahī shams-o-qamar bhī ho ga.e patthar

sadā hī naaz thā tujh pe mujhe ai dost merī jaañ

kiyā kyuuñ vaar dil pe hī 'adhar' bhī ho ga.e patthar

nazar ki kya kahen ab to jigar bhi ho gae patthar

kahan bu-e-wafa khoi ki ghar bhi ho gae patthar

KHuda tab bebasi mein shab sahar roya yaqinan hai

gulon se khilkhilate jab shajar bhi ho gae patthar

baDi ummid le kar main chali aai suno pyare

magar thi kya KHabar diwar-o-dar bhi ho gae patthar

mulamma waqt ka chaDhta gaya kyun is qadar bolo

ki patthar ko hansa kar ba-hunar bhi ho gae patthar

bhara hai zahr dil mein kis ne tere bol de itna

asar aisa mohabbat ke nagar bhi ho gae patthar

hawa jhonka nahin lai kabhi kya meri yaadon ka

kahan hai dafn rauzan ishq tar bhi ho gae patthar

nadi ka sath dene ki taDap pali samundar ne

nibhana khel samjha to mukhar bhi ho gae patthar

yaqin karna hua mushkil qasam TuTe sitare ki

wahi tum bin yahi shams-o-qamar bhi ho gae patthar

sada hi naz tha tujh pe mujhe ai dost meri jaan

kiya kyun war dil pe hi 'adhar' bhi ho gae patthar