nazar ko aaina dil ko tera shana bana denge

nazar ko aa.ina dil ko tirā shāna banā deñge

tujhe ham kyā se kyā ai zulf-e-jānāna banā deñge

hamīñ achchhā hai ban jaa.eñ sarāpā sarguzisht apnī

nahīñ to log jo chāheñge afsāna banā deñge

umiid aisī na thī mahfil ke arbāb-e-basīrat se

gunāh-e-sham.a ko bhī jurm-e-parvāna banā deñge

hameñ to fikr dil-sāzī kī hai dil hai to duniyā hai

sanam pahle banā deñ phir sanam-ḳhāna banā deñge

na itnā chheḌ kar ai vaqt dīvāna banā ham ko

hue dīvāne ham to sab ko dīvāna banā deñge

na jaane kitne dil ban jā.eñge ik dil ke TukḌe se

vo toḌeñ aa.ina ham ā.ina-ḳhāna banā deñge

nazar ko aaina dil ko tera shana bana denge

tujhe hum kya se kya ai zulf-e-jaanana bana denge

hamin achchha hai ban jaen sarapa sarguzisht apni

nahin to log jo chahenge afsana bana denge

umid aisi na thi mahfil ke arbab-e-basirat se

gunah-e-shama ko bhi jurm-e-parwana bana denge

hamein to fikr dil-sazi ki hai dil hai to duniya hai

sanam pahle bana den phir sanam-KHana bana denge

na itna chheD kar ai waqt diwana bana hum ko

hue diwane hum to sab ko diwana bana denge

na jaane kitne dil ban jaenge ek dil ke TukDe se

wo toDen aaina hum aaina-KHana bana denge