nazar ko hamil-e-barq-e-jamal kar na saka

nazar ko hāmil-e-barq-e-jamāl kar na sakā

ġhurūr-e-husn ko maiñ pā.emāl kar na sakā

vo aane vaale zamāne ko kyā bānegā

jo aaj tak mire maazī ko haal kar na sakā

shikast-e-dil kā mire raaz aap kyā jāneñ

malāl hī na huā yā malāl kar na sakā

mujhe latīf sitam se karam ke pardoñ meñ

kuchh us ne aise miTāyā malāl kar na sakā

hujūm-e-ġham rahā 'naḳhshab' magar maiñ apne liye

sharāb-o-shāhid-o-naġhma halāl kar na sakā

nazar ko hamil-e-barq-e-jamal kar na saka

ghurur-e-husn ko main paemal kar na saka

wo aane wale zamane ko kya banega

jo aaj tak mere mazi ko haal kar na saka

shikast-e-dil ka mere raaz aap kya jaanen

malal hi na hua ya malal kar na saka

mujhe latif sitam se karam ke pardon mein

kuchh us ne aise miTaya malal kar na saka

hujum-e-gham raha 'naKHshab' magar main apne liye

sharab-o-shahid-o-naghma halal kar na saka