nazar ko KHirgi aankhon ko KHwab de ke gaya

nazar ko ḳhīrgī āñkhoñ ko ḳhvāb de ke gayā

vo umr bhar ke liye iztirāb de ke gayā

usī kī dariyā-dilī ke the chaar sū charche

jo tishna-kāmoñ ko mauj-e-sarāb de ke gayā

phir us ke aane talak dāstān likhnā hai

hurūf le gayā ḳhālī kitāb de ke gayā

har ek harf jo samjho to ek baab lage

vo aisī besh-bahā ik kitāb de ke gayā

'sharīf' kaun sī shai kī kamī thī us ke yahāñ

karam ho yā ki sitam be-hisāb de ke gayā

nazar ko KHirgi aankhon ko KHwab de ke gaya

wo umr bhar ke liye iztirab de ke gaya

usi ki dariya-dili ke the chaar su charche

jo tishna-kaamon ko mauj-e-sarab de ke gaya

phir us ke aane talak dastan likhna hai

huruf le gaya KHali kitab de ke gaya

har ek harf jo samjho to ek bab lage

wo aisi besh-baha ek kitab de ke gaya

'sharif' kaun si shai ki kami thi us ke yahan

karam ho ya ki sitam be-hisab de ke gaya