nazar mein arsh-e-barin hai kisi ko kya malum

nazar meñ arsh-e-barīñ hai kisī ko kyā ma.alūm

kahāñ ye ḳhāk-nashīñ hai kisī ko kyā ma.alūm

tamām hech hai duniyā alā.eq-e-duniyā

jo naqsh zeb-e-jabīñ hai kisī ko kyā ma.alūm

tumheñ ḳhabar hī nahīñ kyā hai virsa-e-darvesh

jahān-e-zer-e-nagīñ hai kisī ko kyā ma.alūm

bilā sabab to ye larzish huā nahīñ kartī

jo aag zer-e-zamīñ hai kisī ko kyā ma.alūm

na dar khulā na darīche kabhī khule dekhe

makāñ meñ kaun makīñ hai kisī ko kyā ma.alūm

vo ek lafz jo utrā na zīna-e-lab se

hameñ usī kā yaqīñ hai kisī ko kyā ma.alūm

payāmbar kī zarūrat na sharh-e-dil kā ḳhayāl

vo kis kā balā zahīñ hai kisī ko kyā ma.alūm

nazar mein arsh-e-barin hai kisi ko kya malum

kahan ye KHak-nashin hai kisi ko kya malum

tamam hech hai duniya alaeq-e-duniya

jo naqsh zeb-e-jabin hai kisi ko kya malum

tumhein KHabar hi nahin kya hai wirsa-e-darwesh

jahan-e-zer-e-nagin hai kisi ko kya malum

bila sabab to ye larzish hua nahin karti

jo aag zer-e-zamin hai kisi ko kya malum

na dar khula na dariche kabhi khule dekhe

makan mein kaun makin hai kisi ko kya malum

wo ek lafz jo utra na zina-e-lab se

hamein usi ka yaqin hai kisi ko kya malum

payambar ki zarurat na sharh-e-dil ka KHayal

wo kis ka bala zahin hai kisi ko kya malum