nazar mein kuchh na thi pahle kabhi tauqir miTTi ki

nazar meñ kuchh na thī pahle kabhī tauqīr miTTī kī

farishte dañg haiñ ab dekh ke taqdīr miTTī kī

hazāroñ ne.amateñ detī haiñ lekin zarb sah sah kar

ḳhudā ne bhī banā.ī hai ajab taqdīr miTTī kī

sunā.ī degī zālim tujh ko tab majbūr kī aaheñ

jakaḌ legī tire pairoñ ko jab zanjīr miTTī kī

ki jaise peḌ kī har shāḳh mujh se baat kartī hai

ki jaise dekhtā rahtā huuñ maiñ tāsīr miTTī kī

imārat koh-o-sahrā peḌ dariyā aadmī saare

zamīñ par basne vaale haiñ magar jāgīr miTTī kī

tirī puujā kareñge log ik din dekhnā 'ātish'

banā kar us ne rakkhī hai tirī tasvīr miTTī kī

nazar mein kuchh na thi pahle kabhi tauqir miTTi ki

farishte dang hain ab dekh ke taqdir miTTi ki

hazaron neamaten deti hain lekin zarb sah sah kar

KHuda ne bhi banai hai ajab taqdir miTTi ki

sunai degi zalim tujh ko tab majbur ki aahen

jakaD legi tere pairon ko jab zanjir miTTi ki

ki jaise peD ki har shaKH mujh se baat karti hai

ki jaise dekhta rahta hun main tasir miTTi ki

imarat koh-o-sahra peD dariya aadmi sare

zamin par basne wale hain magar jagir miTTi ki

teri puja karenge log ek din dekhna 'atish'

bana kar us ne rakkhi hai teri taswir miTTi ki