نظر میں تار بے مہری کا دکھ ہے

نظر میں تار بے مہری کا دکھ ہے

عجب سرشار بے مہری کا دکھ ہے

ہمارے زخم تازہ پھول ہیں اور

ہمیں کو بار بے مہری کا دکھ ہے

یہ تنہائی سنہری قید خانہ

یہ عکس زار بے مہری کا دکھ ہے

ہے اس جانب جنوں خیزی کا شہرہ

مگر اس پار بے مہری کا دکھ ہے

طربناکی جو دل کو کھل رہی ہے

یہ دل کو خار بے مہری کا دکھ ہے

شناسائی سے رمز عاشقی تک

بڑی بیزار بے مہری کا دکھ ہے

دعاؔ لاحول پڑھ اس بے دلی پر

سہیلی یار بے مہری کا دکھ ہے