nazar milte hi saqi se giri ek barq si dil par

nazar milte hī saaqī se girī ik barq sī dil par

vo uTThā shor TuuTe jaam ki ban aa.ī mahfil par

usī andāz se us ne likhī hai dāstāñ dil par

gale meñ pyaar se bāheñ hamā.il aur chhurī dil par

koī ik hādisa ho gar kareñ ham zikr bhī us kā

guzarte haiñ yahāñ to hādse par hādse dil par

na manzil hai na jaada hai na koī rāhbar baaqī

mirā zauq-e-safar baaqī hai ik hañgāma-e-dil par

tavāf-e-māh karnā aur ḳhalā meñ saañs lenā kyā

bharosa jab nahīñ insān ko insān ke dil par

vahī maujeñ jo mujh ko khīñch kar laa.ī haiñ tūfāñ meñ

unheñ maujoñ ke saath ik roz meñ pahuñchūñgā sāhil par

masarrat aur rāhat se na thiiñ ra.anā.iyāñ kaafī

'anīs' ehsān ġham ke bhī bahut haiñ nā-tavāñ dil par

nazar milte hi saqi se giri ek barq si dil par

wo uTTha shor TuTe jam ki ban aai mahfil par

usi andaz se us ne likhi hai dastan dil par

gale mein pyar se bahen hamail aur chhuri dil par

koi ek hadisa ho gar karen hum zikr bhi us ka

guzarte hain yahan to hadse par hadse dil par

na manzil hai na jada hai na koi rahbar baqi

mera zauq-e-safar baqi hai ek hangama-e-dil par

tawaf-e-mah karna aur KHala mein sans lena kya

bharosa jab nahin insan ko insan ke dil par

wahi maujen jo mujh ko khinch kar lai hain tufan mein

unhen maujon ke sath ek roz mein pahunchunga sahil par

masarrat aur rahat se na thin ranaiyan kafi

'anis' ehsan gham ke bhi bahut hain na-tawan dil par