nazar nazar mein tamanna qadam qadam pe gurez

nazar nazar meñ tamannā qadam qadam pe gurez

jahāñ jahāñ bhī mile kohkan vahīñ parvez

ghaTā ghaTā sā dhuñdlakā hai qasr-o-aivāñ meñ

nikal chalo jahāñ maidāñ meñ raushnī hai tez

tire karam pe bhī andesha-hā-e-dūr-o-darāz

mile haiñ jām-o-subū vo bhī zahr se labrez

numūd-e-ḳhār-e-muġhīlāñ hai bāġhbāñ ko pasand

zamīn-e-lāla-o-gul varna hai bahut zarḳhez

sukūñ milā hai kanīzoñ ko ḳhvāb-e-shīrīñ kā

jo kohkan ne sambhālī hai daulat-e-parvez

taġhayyurāt-e-ḳhayālāt irtiqa-e-hayāt

tasādum-e-nazariyāt fitna-e-chañgez

guzar rahe haiñ shab-o-roz is tarah 'māhir'

na zindagī se mohabbat na zindagī se gurez

nazar nazar mein tamanna qadam qadam pe gurez

jahan jahan bhi mile kohkan wahin parwez

ghaTa ghaTa sa dhundlaka hai qasr-o-aiwan mein

nikal chalo jahan maidan mein raushni hai tez

tere karam pe bhi andesha-ha-e-dur-o-daraaz

mile hain jam-o-subu wo bhi zahr se labrez

numud-e-KHar-e-mughilan hai baghban ko pasand

zamin-e-lala-o-gul warna hai bahut zarKHez

sukun mila hai kanizon ko KHwab-e-shirin ka

jo kohkan ne sambhaali hai daulat-e-parwez

taghayyuraat-e-KHayalat irtiqa-e-hayat

tasadum-e-nazariyat fitna-e-changez

guzar rahe hain shab-o-roz is tarah 'mahir'

na zindagi se mohabbat na zindagi se gurez