nazar nazar se milai kyon thi nafas nafas mein samae kyon the

nazar nazar se milā.ī kyoñ thī nafas nafas meñ samā.e kyoñ the

unheñ thā manzūr mujh se parda to sāmne mere aa.e kyoñ the

dayār-e-husn-e-vafā-talab kī taraf qadam hī uThā.e kyoñ the

junūñ ko ilzām dene vaale junūñ kī bātoñ meñ aa.e kyoñ the

isī ḳhatā kī sazā meñ ab tak nishān-e-manzil nahīñ milā hai

rah-e-mohabbat meñ avval avval mire qadam Dagmagā.e kyoñ the

vo āftāb-e-jamāl shāyad yahīñ kahīñ se guzar rahā hai

jahān-e-dil ke tamām zarre abhī abhī jagmagā.e kyoñ the

nafas nafas sad-ḳhalish bad-a.amāl qadam qadam par hazār tūfāñ

maiñ ab ye samjhā ki roz-e-avval vo dekh kar muskurā.e kyoñ the

unheñ jo ab 'kaif' se hai shikva ki nazm-e-ālam bigāḌ Daalā

vo aise dīvāne ko bhalā is ḳhirad kī duniyā meñ laa.e kyoñ the

nazar nazar se milai kyon thi nafas nafas mein samae kyon the

unhen tha manzur mujh se parda to samne mere aae kyon the

dayar-e-husn-e-wafa-talab ki taraf qadam hi uThae kyon the

junun ko ilzam dene wale junun ki baaton mein aae kyon the

isi KHata ki saza mein ab tak nishan-e-manzil nahin mila hai

rah-e-mohabbat mein awwal awwal mere qadam Dagmagae kyon the

wo aaftab-e-jamal shayad yahin kahin se guzar raha hai

jahan-e-dil ke tamam zarre abhi abhi jagmagae kyon the

nafas nafas sad-KHalish bad-amal qadam qadam par hazar tufan

main ab ye samjha ki roz-e-awwal wo dekh kar muskurae kyon the

unhen jo ab 'kaif' se hai shikwa ki nazm-e-alam bigaD Dala

wo aise diwane ko bhala is KHirad ki duniya mein lae kyon the