nazar sarshaar uski

nazar sarshār us kī

fazā bedār us kī

bahut bāteñ sunī haiñ

sar-e-bāzār us kī

kahāñ kaTtā mirā sar

magar talvār us kī

maiñ chhoTā sā nagīna

baḌī bāzār us kī

havā us kā takallum

shafaq dastār us kī

sunī hai maiñ ne aahaT

hazāroñ baar us kī

kahānī kah rahī hai

nigāh-e-yār us kī

nazar aa.ī vo sūrat

girī dīvār us kī

fazā ik shabnamī sī

badan ke paar us kī

yahāñ kyā maiñ nahīñ huuñ

ye sab paikār us kī

ajab hamd-o-sanā hai

suḳhan ke paar us kī

dikhā de koī 'ajmal'

jhalak ik baar us kī

nazar sarshaar us ki

faza bedar us ki

bahut baaten suni hain

sar-e-bazar us ki

kahan kaTta mera sar

magar talwar us ki

main chhoTa sa nagina

baDi bazar us ki

hawa us ka takallum

shafaq dastar us ki

suni hai main ne aahaT

hazaron bar us ki

kahani kah rahi hai

nigah-e-yar us ki

nazar aai wo surat

giri diwar us ki

faza ek shabnami si

badan ke par us ki

yahan kya main nahin hun

ye sab paikar us ki

ajab hamd-o-sana hai

suKHan ke par us ki

dikha de koi 'ajmal'

jhalak ek bar us ki