nazar se dur ufuq se pare uDan mein the

nazar se duur ufuq se pare uḌaan meñ the

ḳhudā hī jaane ki vo log kis jahān meñ the

falak kī samt uThā.e hue nigāheñ log

judā judā kisī ma.abūd ke gumān meñ the

samajhne vaale samajhte haiñ is haqīqat ko

sahīfe jitne bhī utre hamārī shaan meñ the

ye rañg rañg manāzir ye rañg rañg ke log

tamām raat kisī ḳhvāb ke makān meñ the

bas apne aap ko paayā to kāmyāb hue

magar batā nahīñ sakte kis imtihān meñ the

nazar se dur ufuq se pare uDan mein the

KHuda hi jaane ki wo log kis jahan mein the

falak ki samt uThae hue nigahen log

juda juda kisi mabud ke guman mein the

samajhne wale samajhte hain is haqiqat ko

sahife jitne bhi utre hamari shan mein the

ye rang rang manazir ye rang rang ke log

tamam raat kisi KHwab ke makan mein the

bas apne aap ko paya to kaamyab hue

magar bata nahin sakte kis imtihan mein the