nazar udas hai dil mauj-e-iztirab mein hai

nazar udaas hai dil mauj-e-iztirāb meñ hai

tire baġhair mirī zindagī azaab meñ hai

jo us ke dīda-e-badmast meñ hai ai saaqī

kahāñ vo nashsha-o-mastī tirī sharāb meñ hai

taḌap rahī hai nazar jis ko dekhne ke liye

vo apnā chehra chhupā.e hue naqāb meñ hai

basā ke pyaar kī ḳhushbū meñ jis ko bhejā thā

abhī tak aap kā vo ḳhat mirī kitāb meñ hai

maiñ husn-o-ishq kī bātoñ se kyoñ karūñ parhez

mirī hayāt abhī ālam-e-shabāb meñ hai

nigāheñ un kī mire dil pe hoñ na hoñ 'shātir'

mirī ġhazal to hasīnoñ ke intiḳhāb meñ hai

nazar udas hai dil mauj-e-iztirab mein hai

tere baghair meri zindagi azab mein hai

jo us ke dida-e-badmast mein hai ai saqi

kahan wo nashsha-o-masti teri sharab mein hai

taDap rahi hai nazar jis ko dekhne ke liye

wo apna chehra chhupae hue naqab mein hai

basa ke pyar ki KHushbu mein jis ko bheja tha

abhi tak aap ka wo KHat meri kitab mein hai

main husn-o-ishq ki baaton se kyon karun parhez

meri hayat abhi aalam-e-shabab mein hai

nigahen un ki mere dil pe hon na hon 'shatir'

meri ghazal to hasinon ke intiKHab mein hai