nazdik si shai saya-e-hail se bahut dur

nazdīk sī shai sāya-e-hā.il se bahut duur

manzil hai shanāsā.ī-e-manzil se bahut duur

dushvār sahī duur nahīñ nukta-rasī se

lekin hai ġhalat-rasmī-e-rāhil se bahut duur

ye ain ḳhudī 'ishq ke āsār meñ hai ġham

pahlū se hai kam duur muqābil se bahut duur

har sahl-talab se to hai bargashta-badīh

har sā.il-e-kāmil ke bhī hāsil se bahut duur

qurbāniyāñ kuchh rakh de giro aisī uThe guuñj

gir-paḌ ke jo pahuñche koī mushkil se bahut duur

taarī asar-e-sadma kabhī nashsha-e-tundī

ḳhud-sanjī-e-haq-sīrat-e-zā.il se bahut duur

mashshātgī-e-shāna bahut silsila-e-jumbā

tah-dārī-e-sad-zulf-e-avā.il se bahut duur

ik silsila-e-mauja-e-zanjīr-e-shikan sā

ghuste hue zindāñ se salāsil se bahut duur

ġhaltīda-o-pechīda-o-āshufta sī ik mauj

sāhil ko liye zad meñ hai sāhil se bahut duur

sad-zāviya mehrāb-e-taġhayyur kam-o-afzūñ

idrāk ke bāzū-e-hamā.il se bahut duur

yuuñ jaise ki har asr-e-ravāñ ke mutavāzī

mausam kī har ik shaq ke mumāsil se bahut duur

pinhāñ abhī kam-posh bhī mub.ham abhī har baar

pāyābī-e-mizrāb rag-e-dil se bahut duur

lāhūt kī ik lahar sū-e-karb-e-dil-e-ḳhāk

laayā koī jazba kisī mahfil se bahut duur

āshob-e-qadah jasta sū-e-gasht piyāda

vāmāñdagī-e-tishna-o-sar-joshī-e-bāda

nazdik si shai saya-e-hail se bahut dur

manzil hai shanasai-e-manzil se bahut dur

dushwar sahi dur nahin nukta-rasi se

lekin hai ghalat-rasmi-e-rahil se bahut dur

ye ain KHudi 'ishq ke aasar mein hai gham

pahlu se hai kam dur muqabil se bahut dur

har sahl-talab se to hai bargashta-badih

har sail-e-kaamil ke bhi hasil se bahut dur

qurbaniyan kuchh rakh de giro aisi uThe gunj

gir-paD ke jo pahunche koi mushkil se bahut dur

tari asar-e-sadma kabhi nashsha-e-tundi

KHud-sanji-e-haq-sirat-e-zail se bahut dur

mashshatgi-e-shana bahut silsila-e-jumba

tah-dari-e-sad-zulf-e-awail se bahut dur

ek silsila-e-mauja-e-zanjir-e-shikan sa

ghuste hue zindan se salasil se bahut dur

ghaltida-o-pechida-o-ashufta si ek mauj

sahil ko liye zad mein hai sahil se bahut dur

sad-zawiya mehrab-e-taghayyur kam-o-afzun

idrak ke bazu-e-hamail se bahut dur

yun jaise ki har asr-e-rawan ke mutawazi

mausam ki har ek shaq ke mumasil se bahut dur

pinhan abhi kam-posh bhi mubham abhi har bar

payabi-e-mizrab rag-e-dil se bahut dur

lahut ki ek lahar su-e-karb-e-dil-e-KHak

laya koi jazba kisi mahfil se bahut dur

aashob-e-qadah jasta su-e-gasht piyaada

wamandagi-e-tishna-o-sar-joshi-e-baada