nazir jis ki mil sake wo apna majra na tha

nazīr jis kī mil sake vo apnā mājrā na thā

likhā na thā paḌhā na thā sunā na thā huā na thā

zamāne meñ jo hādisa mire liye nayā na thā

kisī ne bhī sunā na thā kahīñ bhī vo huā na thā

jo us galī meñ rah ga.e ḳhushī ko apnī daḳhl kyā

qasam kisī kī nāsehā qadam hī uTh sakā na thā

ġhazab meñ jaan paḌ ga.ī na pūchh rāhat-e-adam

kisī ko kuchh ġharaz na thī kisī se mudda.ā na thā

jo daftar-e-zamāna par nigāh apnī paḌ ga.ī

javāb hī na jis kā ho vo koī mājrā na thā

ḳhayāl-e-ārzū hī thā ki yaas ne ye dī ḳhabar

vo ka.aba terā Dheh gayā abhī jo ban chukā na thā

nazir jis ki mil sake wo apna majra na tha

likha na tha paDha na tha suna na tha hua na tha

zamane mein jo hadisa mere liye naya na tha

kisi ne bhi suna na tha kahin bhi wo hua na tha

jo us gali mein rah gae KHushi ko apni daKHl kya

qasam kisi ki naseha qadam hi uTh saka na tha

ghazab mein jaan paD gai na puchh rahat-e-adam

kisi ko kuchh gharaz na thi kisi se muddaa na tha

jo daftar-e-zamana par nigah apni paD gai

jawab hi na jis ka ho wo koi majra na tha

KHayal-e-arzu hi tha ki yas ne ye di KHabar

wo kaba tera Dheh gaya abhi jo ban chuka na tha