Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nazren milin charagh jale raushni hui

Ata Husain Kaleem

nazren milin charagh jale raushni hui

Ata Husain Kaleem

MORE BYAta Husain Kaleem

    nazreñ milīñ charāġh jale raushnī huī

    lau de uThī phir apnī tabī.at bujhī huī

    ḳhūn-e-jigar se nikhre ḳhad-o-ḳhāl-e-ārzū

    dil ke lahū se shāḳh-e-tamannā harī huī

    ab sub.h-e-nau-bahār kyā aarzū kareñ

    ik shāḳh-e-āshiyāñ hai so vo bhī jalī huī

    phir yaad aa ga.iiñ shab-e-hijrāñ talḳhiyāñ

    dil ko kabhī ḳhushī jo ghaḌī-do-ghaḌī huī

    bhaḌkā diyā use tire do din ke pyaar ne

    ik umr se jo aag thī dil meñ dabī huī

    dil to ek dair-o-haram charāġh thā

    dil bujh gayā to phir na kahīñ raushnī huī

    duniyā ba-juz tilism-e-nazar aur kuchh nahīñ

    ḳhud ko diye fareb agar āgahī huī

    vo chāñd-rāt terā bichhaḌnā nazar meñ hai

    is ghar meñ tere ba.ad kahāñ raushnī huī

    is ḳhud-fareb dil ne vo rusvā kiyā hameñ

    ham apne ho sake na tirī bandagī huī

    ābād jis se thiiñ mirī tanhā.iyāñ 'kalīm'

    nazroñ meñ hai vo mahfil-e-yārāñ sajī huī

    nazren milin charagh jale raushni hui

    lau de uThi phir apni tabiat bujhi hui

    KHun-e-jigar se nikhre KHad-o-KHal-e-arzu

    dil ke lahu se shaKH-e-tamanna hari hui

    ab subh-e-nau-bahaar ki kya aarzu karen

    ek shaKH-e-ashiyan hai so wo bhi jali hui

    phir yaad aa gain shab-e-hijran ki talKHiyan

    dil ko kabhi KHushi jo ghaDi-do-ghaDi hui

    bhaDka diya use tere do din ke pyar ne

    ek umr se jo aag thi dil mein dabi hui

    dil hi to ek dair-o-haram ka charagh tha

    dil bujh gaya to phir na kahin raushni hui

    duniya ba-juz tilism-e-nazar aur kuchh nahin

    KHud ko diye fareb agar aagahi hui

    wo chand-raat tera bichhaDna nazar mein hai

    is ghar mein tere baad kahan raushni hui

    is KHud-fareb dil ne wo ruswa kiya hamein

    hum apne ho sake na teri bandagi hui

    aabaad jis se thin meri tanhaiyan 'kalim'

    nazron mein hai wo mahfil-e-yaran saji hui

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now