nazron se kisi ko bhi giraate nahin jaanan

nazroñ se kisī ko bhī girāte nahīñ jānāñ

har baat raqīboñ ko batāte nahīñ jānāñ

rahte haiñ vo murjhā.e hue mausam-e-gul meñ

jo log kabhī hañste hañsāte nahīñ jānāñ

har pal tirī āñkheñ tirī ḳhushbū hai mire saath

ye baat magar sab ko batāte nahīñ jānāñ

aT saktā hai terā bhī isī dhuul se chehra

rusvā.ī kī yuuñ gard uḌāte nahīñ jānāñ

dil-gīr to hote haiñ taġhāful se tire ham

lekin kabhī ehsān jatāte nahīñ jānāñ

ye hazrat-e-'jāzib' jo giraftār-e-vafā haiñ

āshiq haiñ magar shor machāte nahīñ jānāñ

nazron se kisi ko bhi giraate nahin jaanan

har baat raqibon ko batate nahin jaanan

rahte hain wo murjhae hue mausam-e-gul mein

jo log kabhi hanste hansate nahin jaanan

har pal teri aankhen teri KHushbu hai mere sath

ye baat magar sab ko batate nahin jaanan

aT sakta hai tera bhi isi dhul se chehra

ruswai ki yun gard uDate nahin jaanan

dil-gir to hote hain taghaful se tere hum

lekin kabhi ehsan jatate nahin jaanan

ye hazrat-e-'jazib' jo giraftar-e-wafa hain

aashiq hain magar shor machate nahin jaanan