nek aamal ki targhib amal deta hai

nek a.amāl kī tarġhīb amal detā hai

ilm insān kī taqdīr badal detā hai

sab ko mehnat kā sila aur vo phal detā hai

ya.anī ḳhvāboñ ko haqīqat meñ badal detā hai

paas hai aql tumhāre to ye pahle socho

tum shajar aisā lagānā ki jo phal detā hai

sun ke tahrīk mile jis se zamāne bhar ko

tajraba mujh ko mirā aisī ġhazal detā hai

apnā sar us kī ibādat meñ jhukānā kaafī

rāhateñ donoñ jahāñ meñ ye amal detā hai

hausla jis kā javāñ hotā hai Tiipū kī tarah

zulm ke saañp kā sar baḌh ke kuchal detā hai

likhā qismat kā bhī vo maañ kī duā se 'sānī'

sach hai ye baat ki allāh badal detā hai

nek aamal ki targhib amal deta hai

ilm insan ki taqdir badal deta hai

sab ko mehnat ka sila aur wo phal deta hai

yani KHwabon ko haqiqat mein badal deta hai

pas hai aql tumhaare to ye pahle socho

tum shajar aisa lagana ki jo phal deta hai

sun ke tahrik mile jis se zamane bhar ko

tajraba mujh ko mera aisi ghazal deta hai

apna sar us ki ibaadat mein jhukana kafi

rahaten donon jahan mein ye amal deta hai

hausla jis ka jawan hota hai Tipu ki tarah

zulm ke sanp ka sar baDh ke kuchal deta hai

likha qismat ka bhi wo man ki dua se 'sani'

sach hai ye baat ki allah badal deta hai