nek-o-bad ishq mein jo hai meri taqdir mein hai

nek-o-bad ishq meñ jo hai mirī taqdīr meñ hai

aap vo kījiye jo aap kī tadbīr meñ hai

vasl kahte haiñ ise rabt ise kahte haiñ

dekh lo tiir jigar meñ hai jigar tiir meñ hai

shor-e-mahshar kī to ik dhuum machā rakkhī hai

shor ye hai jo mire bāloñ kī zanjīr meñ hai

khul gayā aaj mujhe vāda-farāmoshī se

ki tirā vasl kisī aur kī taqdīr meñ hai

vo mirā haal jo pūchheñ to ye kahnā qāsid

abhī jiitā hai magar marne kī tadbīr meñ hai

koī kuchh jurm kare naam vo merā leñge

ik zamāne kī burā.ī mirī taqdīr meñ hai

vasf kuchh us kā bayāñ ho nahīñ saktā 'mahmūd'

lutf jo daaġh kī taqrīr meñ tahrīr meñ hai

nek-o-bad ishq mein jo hai meri taqdir mein hai

aap wo kijiye jo aap ki tadbir mein hai

wasl kahte hain ise rabt ise kahte hain

dekh lo tir jigar mein hai jigar tir mein hai

shor-e-mahshar ki to ek dhum macha rakkhi hai

shor ye hai jo mere baalon ki zanjir mein hai

khul gaya aaj mujhe wada-faramoshi se

ki tera wasl kisi aur ki taqdir mein hai

wo mera haal jo puchhen to ye kahna qasid

abhi jita hai magar marne ki tadbir mein hai

koi kuchh jurm kare nam wo mera lenge

ek zamane ki burai meri taqdir mein hai

wasf kuchh us ka bayan ho nahin sakta 'mahmud'

lutf jo dagh ki taqrir mein tahrir mein hai