neki hai ek junun mujhe ab tak yaqin nahin

nekī hai ik junūñ mujhe ab tak yaqīñ nahīñ

hai sidq sar-nigūñ mujhe ab tak yaqīñ nahīñ

kahte ho tum ye daur hai makr-o-fareb kā

ai dost kyā kahūñ mujhe ab tak yaqīñ nahīñ

ḳhanjar-ba-kaf hazār haiñ bātil kī quvvateñ

īmān kā ho ḳhuuñ mujhe ab tak yaqīñ nahīñ

hangāma-ḳheziyoñ pe lage mohr-e-shādbāsh

badnām ho sakūñ mujhe ab tak yaqīñ nahīñ

kahte haiñ ab rahegā na baaqī koī sharīf

badlegā rang yuuñ mujhe ab tak yaqīñ nahīñ

mustaqbil-e-qarīb meñ gir jā.eñge tamām

aḳhlāq ke sutūñ mujhe ab tak yaqīñ nahīñ

rasm-e-vafā-o-mehr meñ paatā huuñ dilkashī

bātil hai ye fusūñ mujhe ab tak yaqīñ nahīñ

neki hai ek junun mujhe ab tak yaqin nahin

hai sidq sar-nigun mujhe ab tak yaqin nahin

kahte ho tum ye daur hai makr-o-fareb ka

ai dost kya kahun mujhe ab tak yaqin nahin

KHanjar-ba-kaf hazar hain baatil ki quwwaten

iman ka ho KHun mujhe ab tak yaqin nahin

hangama-KHeziyon pe lage mohr-e-shadbash

badnam ho sakun mujhe ab tak yaqin nahin

kahte hain ab rahega na baqi koi sharif

badlega rang yun mujhe ab tak yaqin nahin

mustaqbil-e-qarib mein gir jaenge tamam

aKHlaq ke sutun mujhe ab tak yaqin nahin

rasm-e-wafa-o-mehr mein pata hun dilkashi

baatil hai ye fusun mujhe ab tak yaqin nahin