nigah-e-faqr hi shan-e-sikandari jaane

nigāh-e-faqr hī shān-e-sikandarī jaane

vahī hai shaah jo rāz-e-qalandarī jaane

havā bikhertī mujh ko hai gard kī sūrat

jahāñ meñ kaun hai jo merī be-gharī jaane

bas ek tere sivā be-ḳhabar nahīñ koī

hamārā haal to raste kī kankarī jaane

tirī adāoñ kī pahchān ḳhuub hai mujh ko

tire karam kī koī kyā sitamgarī jaane

mirī nigāh meñ kaun-o-makāñ kī bastī hai

zamāna kyā mirā tarz-e-qalandarī jaane

tū 'arsh-o-farsh pe āñkheñ Tikā.e rahtā hai

kahāñ se terī tarah koī muḳhbirī jaane

nigah-e-faqr hi shan-e-sikandari jaane

wahi hai shah jo raaz-e-qalandari jaane

hawa bikherti mujh ko hai gard ki surat

jahan mein kaun hai jo meri be-ghari jaane

bas ek tere siwa be-KHabar nahin koi

hamara haal to raste ki kankari jaane

teri adaon ki pahchan KHub hai mujh ko

tere karam ki koi kya sitamgari jaane

meri nigah mein kaun-o-makan ki basti hai

zamana kya mera tarz-e-qalandari jaane

tu 'arsh-o-farsh pe aankhen Tikae rahta hai

kahan se teri tarah koi muKHbiri jaane