nigah-e-husn-e-talab ehtiram kis ka tha

nigāh-e-husn-e-talab ehtirām kis kā thā

kiyā jo nazroñ se tū ne salām kis kā thā

milā jo roz-e-azal vo payām kis kā thā

nidā jo kaan meñ aa.ī vo naam kis kā thā

junūn-e-shauq-e-salāmat ki ye bhī hosh nahīñ

maiñ jis maqām pe thā vo maqām kis kā thā

bikhar paḌī thī har ik sū bahār-e-lāla-o-gul

ḳhudā hī jaane laboñ par kalām kis kā thā

banā gayā thā jo naqsh-o-nigār dil pe mire

vo ek jalva-e-husn-e-ḳhirām kis kā thā

bhaTak rahī thī har ik sū nigāh-e-tishna-labāñ

tumhārī bazm meñ ye daur-e-jām kis kā thā

qadam qadam pe bahāroñ ne kis ke pair chhue

qafas meñ 'dard' batā ehtirām kis kā thā

nigah-e-husn-e-talab ehtiram kis ka tha

kiya jo nazron se tu ne salam kis ka tha

mila jo roz-e-azal wo payam kis ka tha

nida jo kan mein aai wo nam kis ka tha

junun-e-shauq-e-salamat ki ye bhi hosh nahin

main jis maqam pe tha wo maqam kis ka tha

bikhar paDi thi har ek su bahaar-e-lala-o-gul

KHuda hi jaane labon par kalam kis ka tha

bana gaya tha jo naqsh-o-nigar dil pe mere

wo ek jalwa-e-husn-e-KHiram kis ka tha

bhaTak rahi thi har ek su nigah-e-tishna-laban

tumhaari bazm mein ye daur-e-jam kis ka tha

qadam qadam pe bahaaron ne kis ke pair chhue

qafas mein 'dard' bata ehtiram kis ka tha