nigah-e-KHishmagin mein pyar ki ziya kar ke

nigāh-e-ḳhishmagīñ meñ pyaar kī ziyā kar ke

ham āzmā.e ga.e arz-e-mudda.ā karke

na.ī umiid na.e ġham se āshnā karke

guzar ga.ī shab-e-hijrāñ ḳhudā ḳhudā karke

junūñ ke saath bhī kuchh duur ham ko chalne do

ḳhirad ko dekh liyā ham ne rahnumā karke

harīf-e-amn-o-amāñ kā yahī hai mansūba

ki fard fard ko rakh de yahāñ judā karke

mizāj ahl-e-siyāsat ke jab badalne lage

qadam tumheñ bhī uThānā hai faisla karke

ye silsila to satā.ish kā ḳhuub hai lekin

miTā na de kahīñ maġhrūr-e-irtiqā karke

ġhurūr-e-jāh-o-hasham ne tamām umr hameñ

kahīñ kā rakkhā na āvāra-e-anā karke

kisī ġharīb ko dekho na tum hiqārat se

jo ho sake to guzar jaao kuchh bhalā karke

vahī fasāna-e-fikr-e-ma.āsh hai ab bhī

ham intihā ko taraste haiñ ibtidā karke

qadam usī kā vaqār-e-hayāt chūme hai

pashemāñ hotā hai jo aadmī ḳhatā karke

hai ab bhī vaqt sañbhal jaao ai 'tarab' varna

zamāna tum ko na rakh de kahīñ fanā karke

nigah-e-KHishmagin mein pyar ki ziya kar ke

hum aazmae gae arz-e-muddaa karke

nai umid nae gham se aashna karke

guzar gai shab-e-hijran KHuda KHuda karke

junun ke sath bhi kuchh dur hum ko chalne do

KHirad ko dekh liya hum ne rahnuma karke

harif-e-amn-o-aman ka yahi hai mansuba

ki fard fard ko rakh de yahan juda karke

mizaj ahl-e-siyasat ke jab badalne lage

qadam tumhein bhi uThana hai faisla karke

ye silsila to sataish ka KHub hai lekin

miTa na de kahin maghrur-e-irtiqa karke

ghurur-e-jah-o-hasham ne tamam umr hamein

kahin ka rakkha na aawara-e-ana karke

kisi gharib ko dekho na tum hiqarat se

jo ho sake to guzar jao kuchh bhala karke

wahi fasana-e-fikr-e-maash hai ab bhi

hum intiha ko taraste hain ibtida karke

qadam usi ka waqar-e-hayat chume hai

pasheman hota hai jo aadmi KHata karke

hai ab bhi waqt sanbhal jao ai 'tarab' warna

zamana tum ko na rakh de kahin fana karke