nigah-e-lutf kabhi gar wo mast-e-naz kare

nigāh-e-lutf kabhī gar vo mast-e-nāz kare

niyāz-mand ko aalam se be-niyāz kare

vo sar-navisht-e-jabīñ par bajā hai naaz kare

jo āstāñ pe tire sajda-e-niyāz kare

na tere chāhne vāloñ meñ ho ye jañg-o-jadal

ishāra gar na tirī chashm-e-fitna-sāz kare

bujhā.eñ pyaas kahāñ jā ke tere mastāne

jo sāqiyā dar-e-mai-ḳhāna tū na baaz kare

jahāñ meñ shor hai aur vo nigār parde meñ

ajab ho sair jo vo ruḳh se parda baaz kare

nahīñ vo lazzat-e-āzār-e-ishq se āgāh

sitam meñ aur karam meñ jo imtiyāz kare

jo chāhe garmī-e-hañgāma bazm-e-daurāñ meñ

sadā buland kare aur zabāñ darāz kare

jo bazm-e-uns meñ chāhe ki sham-e-mahfil ho

tū dil meñ ishq se paidā zarā gudāz kare

inhīñ ke husn se hai garm ishq kā bāzār

duā ḳhudā se hai umr-e-butāñ darāz kare

fasāna-go se kaho muḳhtasar ho qissa-e-jam

hadīs-e-gesū-e-jānāñ zarā darāz kare

ye silsila ġham-e-daurāñ kā hai abad paivand

sukūn dil kā jo chāhe vo tark-e-āz kare

ḳhudā kā naam bhī lo bāzuoñ se kaam bhī lo

to fikr-e-kār ḳhudāvand-e-kārsāz kare

havā-o-hirs se 'nāzir' rahe jo paak nazar

to hamsarī na haqīqat kī kyuuñ majāz kare

nigah-e-lutf kabhi gar wo mast-e-naz kare

niyaz-mand ko aalam se be-niyaz kare

wo sar-nawisht-e-jabin par baja hai naz kare

jo aastan pe tere sajda-e-niyaz kare

na tere chahne walon mein ho ye jang-o-jadal

ishaara gar na teri chashm-e-fitna-saz kare

bujhaen pyas kahan ja ke tere mastane

jo saqiya dar-e-mai-KHana tu na baz kare

jahan mein shor hai aur wo nigar parde mein

ajab ho sair jo wo ruKH se parda baz kare

nahin wo lazzat-e-azar-e-ishq se aagah

sitam mein aur karam mein jo imtiyaz kare

jo chahe garmi-e-hangama bazm-e-dauran mein

sada buland kare aur zaban daraaz kare

jo bazm-e-uns mein chahe ki sham-e-mahfil ho

tu dil mein ishq se paida zara gudaz kare

inhin ke husn se hai garm ishq ka bazar

dua KHuda se hai umr-e-butan daraaz kare

fasana-go se kaho muKHtasar ho qissa-e-jam

hadis-e-gesu-e-jaanan zara daraaz kare

ye silsila gham-e-dauran ka hai abad paiwand

sukun dil ka jo chahe wo tark-e-az kare

KHuda ka nam bhi lo bazuon se kaam bhi lo

to fikr-e-kar KHudawand-e-karsaz kare

hawa-o-hirs se 'nazir' rahe jo pak nazar

to hamsari na haqiqat ki kyun majaz kare