nigah-e-naz se raaz-o-niyaz rahne de

nigāh-e-nāz se rāz-o-niyāz rahne de

tabassum-e-nigah-e-dil-navāz rahne de

ġham-e-firāq se dil ko gudāz rahne de

jahān-e-ishq meñ kuchh soz-o-sāz rahne de

fareb-ḳhurda-e-husn-e-majāz rahne de

isī tarah se haqīqat ko raaz rahne de

uThā na chehra-e-hastī se tū naqāb apnī

nigāh-o-dil ko yūñhī mashq-e-nāz rahne de

agar ye asl haqīqat ke donoñ pahlū haiñ

to husn-o-ishq kā phir imtiyāz rahne de

nigāh-e-lutf-o-karam mujh pe gar nahīñ na sahī

sitam se apne mujhe sarfarāz rahne de

nigah-e-naz se raaz-o-niyaz rahne de

tabassum-e-nigah-e-dil-nawaz rahne de

gham-e-firaq se dil ko gudaz rahne de

jahan-e-ishq mein kuchh soz-o-saz rahne de

fareb-KHurda-e-husn-e-majaz rahne de

isi tarah se haqiqat ko raaz rahne de

uTha na chehra-e-hasti se tu naqab apni

nigah-o-dil ko yunhi mashq-e-naz rahne de

agar ye asl haqiqat ke donon pahlu hain

to husn-o-ishq ka phir imtiyaz rahne de

nigah-e-lutf-o-karam mujh pe gar nahin na sahi

sitam se apne mujhe sarfaraaz rahne de